mondragon.edu > komunitatea

Orbeako diseinu prozesua ezagutuz

Aurreko ostiralean Mikel Bergara, Orbeako industri disenatzaileetako bat,  gurekin izan genuen graduko ikasleei beraien enpresan aurrera daramaten diseinu prozesua azaltzen. Orain bi hilabete merkaturatutako Occam bizikleta berriaren garapen osoa erakutsi zigun Mikelek.

Prozesu honetan erabiltzaileekin izandako harremana azpimarratu zen, erabiltzailea diseinu prozesuan barneratuz. Txirrindulariak dituzten nahi, behar eta sentsazioak prozesu osoan zehar ulertzearen garrantzia azaldu zuen: “Bezeroek  kasu askotan, guk baino hobeto ezagutzen dituzte gure produktuak” eta “prozesuan elkarrizketak eta testeoak behar beharrezkoak dira merkatua ulertzeko”.

Produktuaren garapena aurrera eramateko, diseinatazailea, ingenieriak eta marketing-a elkar lanean aritzen dira Orbean, eta erabaki asko hiru aldeen arteko adostasunera helduz hartzen dira.

Prozesua atalez atal azalduz eta era grafikoan deskribatuz oso gustora aritu ginen Mikeli entzuten. Hitzaldiak izandako interesa dela eta ia hitzaldia bezain luzea izan zen elkarrizketa izan genuen amaieran.

Mikel Bergara 3. graduko ikasleei azalpenak ematen

 

Dudarik gabe benetan aberasgarria kasu erreal hau ezagutzea. Eskerrik asko Mikel!

 

//Egoitz

  • Twitter
  • Facebook
Categoría: General

Deja tu comentario