mondragon.edu > komunitatea
2010/12/22

Andoni Egaña: zabaltzen aritu gara gu, sakontzea dagokie ondorengoei!

Andonik eskaini zigun saioaren harira, makinatxo bat gogoeta ekar ditzakegu harira, errepaso ona eman baitzion bere ibilbideari.

Gogoeta bat aukeratzen jarrita, honakoa ekarri nahi dut:

Esaten zigunez, beren belaunaldiko bertsolariek  –eta bertsozale antolatuek, orobat-  obsesio bat izan dute:  Bertsolaritza zabaldu!  Euskal Herri osoan, komunikabideetan, plaza erraldoietan eta txikiagoetan… Zabaldu eta hedatu ahalik eta gehienengana, ahalik eta leku eta formaturik gehienetara.

Hori izan da orain arteko belaunaldiaren funtsa. Zein izango da, baina, hurrengo belaunaldiaren helburu nagusia?  Egañak  iradokitzen zuenez, sakondu aditza izan daiteke, agian, datozen belaunaldiek lantzen jarraitu beharreko gakoa.

Eta bertsozaletasunean gertatzen den eran, beste eremu batzuetan ere sakontzeko tenorea heldu zaigulakoan nago: irakaskuntzan, euskaldunen elkarteetan etab. Kuantitatiboki  aurrera egin dugu zenbait eremutan. Argi dago hori. Hala ere, kualitatiboatasunari ere arretatsuago begiratu beharko diogu, ezta? Zabaldu dugun horretan sakontzea, alegia.

2010/12/22

Jon Sarasua: gogoetak trumilka, zein baino zein…

Ekar ditzagun gogora ekarri zizkigun izenburuak: bitasuna kudeatzeaz, jakintzan oinarritzeaz, iragana kokatzeaz, motibazioaren adarrez, kulturgintzaren lekuaz, jarraiduraz eta irekiduraz, hegemonia guneez, gizarte-ehunaz, eragile-analisiaz, aniztasunez eta migrazioez, nazioartekoatasuna lantzeaz, etorkizun ikuspegiaz eta ametsak doitzeaz.

Izenburuak erraz idazten dira; bakoitzaren barruko mamia aletzen hasi eta gogoetetan sakontzea beste gai bat da, ordea.

Zerbait aipatzen hasi behar izanez gero, zer nabarmenduko zenuke Jonen saioetan entzundakotik?

Nik, ideia bi:

  1. Hezkuntza-eremuan eragin behar dugu: Eragileak hezi! Eragiletza horretan, gazteekin, belaunaldi berriekin formazio sozio-politikoan sakontzea da gako garrantzitsu bato rain eta hemen.
  2. Fluxuan kokatu eta ametsak doitu egin behar ditugu. Gune hegemonikoen garrantzia ulertu, horiek bideratzen jarraitu…, baina Euskal Herria euskalduna izatea ez dugu egun batetik bestera lortuko.

Zer irditzen bi ideia horiek? Zer beste azpimarratuko zenuke?

2010/11/2

Quebec, Erramun Baxoken esperientziatik

Gogotsu somatu genuen gerra artean jaiotako Erramun. 1928an sortua, eta 2010ean sortzen oraindik. Gogoetak, pentsamendua, hizkuntzak, jarioa.
Quebec entzuna izango genuen gutako askok. Karibean balego bisitatua genuke, apika. Europakoa balitz, pegata eramango genuke autoan, beharbada.

Urruti zaigu Quebec, nahiz eta Joseba Tapiak bertako kantuak bertokotu. Jon Maiak ere erakutsi digu zerbait hango parajeez, arraunlariak eta…. Apaizak hobeto, beharbada. Dokumentala dugu orain.

Eta orain, Ternuarekin jazten gara. Hori da gure pidginaren ezagutza guztia.

Baina hala ere, hitzaldi mamitsua eta datuz hornitua eskaini zigun Erramun Baxokek. Soziolinguistika, identitatea, historia, kultura, sorkuntza, datu demografikoak, jatorrizko herriak… denak aipatu zituen. Eta jasotakoaren ostean, ia ia mutu geratu ginen. Ez genuen dudarik, antza. Julenek bota zizkion galdera batzuk… baina kezkak gurean dirau, oraindik.

Modernitatea eta integrazioa idatzi berri du ikaskide dugun Beñat Gaztelumendik, Arbelari begira, Berria egunkarian. Eta bere galderak pausatuko ditut nik hemen, guztion artean erantzun ditzagun. Eta agian, berriz joan beharko dugu Erramunengana galdezka, edo Quebecerako ikasketa bidaia antolatu beharko dugu, Bartzelonan hegazkina hartuta. Harako gogoa be, piztu zigulako Arrutik.

  • Eta XXI. mendeko Euskal Herriak, zer nahi du?
  • Posible a da benetako kultura-aniztasuna?
  • Hizkuntza minorizatuok iraun dezakegu egoera horretan?
  • Herri nortasun sentimenduak egitura dezake kultura anitzeko nazio bat?
  • Eta noraino ireki beha du kultura batek?
  • Non hasten da integrazioa eta non asimilazioa?
2010/10/25

Katalana ez da zaila, beharbada

Iñaki Arrutik hasieratik harrapatu gintuen, katalana, eta Catalunyari buruzko hainbat galdera jarri zizkigun mahai gainean. Eta gure ez/jakintasunak lotsarik gabe azaldu zizkigun, modu atsegin eta dinamikoan. Zeozer gehiago dakigu hizkuntza handi horretaz.

  • Gure ustez, zein da Katalanaren arrakastaren giltza?
  • Hizkuntz politika ala aurretik duen ezagupena?
  • Zure ustez ze harreman dago Identitatea, hizkuntza eta nazioaren artean adibidez?
  • Euskararen kasuan batzutan bai, eta beste batzutan ez da lurraldetasunaz, eremuaz berba egiten, baina gehiago sakondu behar genuke hor?