Euskaraz lan egiteko erreminten bilketa


Gure eguneroko jardunaren zati handi bat ordenagailu eta bestelako gailuen aurrean ematen dugu. Hortaz, euskaraz bizi nahi izanez gero gailu hauek euskaraz erabiltzea aurrera pauso nabarmena izan daiteke, eta horretarako erabiltzen ditugun sistema eta programen erabiltzaile-interfazeak euskaraz izatea behar dugu.

Mondragon Unibertsitatean Internet-en zehar topatu eta euskaraz konfiguratu daitekeen softwarearen biltegi bat sortu dugu eta euskaraz.mondragon.edu helbidean eskuragarri jarri dugu. Zerrenda nahiko luzea da, baina hauek dira bertan topatu ditzazkezuen aukera batzuk:

 

Microsoft Windows

Gaur eguneko ordenagailu gehienetan instalaturik dauden Microsoft-en sistema eragileak modu errazean euskaratu daitezke; hori egiteko hemen sartu eta zure bertsioko hizkuntza paketea jeitsi eta instalatu besterik ez duzu egin behar.

 

Bulegotika

LibreOffice eta OpenOffice.org bulegotika softwareak zuzenean euskaraz instalatu daitezke; horretarako, hemendik LibreOffice eta hemendik OpenOffice.org euskaraz jeitsi eta instalatu ditzazkezue.

Microsoft Office bulegotika software ezaguna euskaraz jartzeko ordea instalatu ondoren hemen topatu daitekeen hizkuntza paketea jeitsi eta instalatu behar da.

 

Mozilla Firefox

Interneten nabigatzeko aplikazio ezagun (eta libre) hau euskaraz instalatu daiteke, eta horretarako hemendik jeitsi eta instalatu besterik ez duzue egin behar. Pauso hauek jarraituz gero gainera nabigatzailea euskaraz nabigatzeko konfiguraturik izango duzue, eta hemendik EuskalBar gehigarri erabilgarria jeitsi dezakezue.

 

Live DVDak

Bestalde, badira aukerak ordenagailuan ezer instalatu gabe DVD batean sistema eragile bat eta behar diren softwareak bildu eta bertatik erabiltzeko. Honi Live DVD deitzen zaio, eta horrelakoa den eta euskaraz konfiguraturik dagoen bat erabili nahi baduzu MUbuntu-ren ISO irudia hemendik deskargatu eta DVD batetan sartu ondoren edozein ordenagailutan erabili dezakezu.

 

Zerrenda osoa

Hauetaz gain badira hainbat programa/software euskaraz lana egiteko aukera ematen digutenak; hona hemen  eskuragarri dauden erreminten zerrenda osoa:

7zip: fitxategiak artxibatzeko softwarea

Adobe Reader: PDF fitxategiak ikusteko softwarea

Bulegotika (testuen edizioa, kalkulo orriak, aurkezpenenak, eta abar egiteko tresnak)

LibreOffice

Microsoft Office

OpenOffice.org

CmapTools: kontzeptuen mapak egiteko tresna

Euskalbar: euskararekin lotutako web baliabideak atzitzeko tresna (Firefox-erako gehigarria)

eXeLearning: eduki didaktikoan sortzeko erreminta

FileZilla: FTP klientea

HAT (Hizkuntza Aukeratzeko Tresna): Windows-eko softwarea hizkuntzaz aldatzeko tresna

HiztegiBar: euskararekin lotutako web baliabideak atzitzeko tresna (Internet Explorer eta Chrome/Chromium-erako gehigarria)

Kudeaketako softwarea (ERP, CRM eta antzeko erremintak)

OpenBravo

SAP

Lame – Audacity: Audio editatzaile eta grabatzailea

Miatu Erraz bilaketa liburutegia: euskarazko webguneetan bilaketak egiteko tresna

Moodle: Irakaskuntza kudeatzeko sistema (CMS edo LMS-a ingelesez)

Mozilla Firefox: Web nabigatzailea

Mozilla Thunderbird: Posta elektronikoko bezeroa.

Notepad ++: Testu editorea.

PDF Creator: dokumentuak PDF formatura bihurtzeko tresna

Plugin-ak

Elhuyar hiztegiak: Bulegotika tresnetarako hiztegi gehigarriak

OCR euskaraz: Karaktere ezagutze optikorako tresna

QuarkXPress-erako hitz zatitzailea

UZEIren sinonimoen hiztegia: Bulegotika tresnetarako hiztegi gehigarria

Skype: Internet bidezko deiak eta bideokonferentziak egiteko tresna

Sistema Eragileak

EusLinux 2011: Debianen oinarritutako GNU/Linux banaketa

MUbuntu 2013: Ubuntun oinarritutako GNU/Linux banaketa

MS Windows Hizkuntza paketeak: Microsoft-eko Sistema eragileak euskaratzeko softwarea

Software Librea Euskaraz 2.0: Windows-en erabiltzeko euskarazko softwarearen bilketa DVDa

Spybot Search&Destroy: Spywarea ezabatzeko tresna

VLC media player: multimedia erreproduktorea

WordPress: blogak argitaratzeko sistema

Xuxen: euskarazko testuak zuzentzeko tresna

 

Iruzkin 1 dago

Zurea gehitu

+ Iruzkin bat laga