Web 2.0 tresnetako mamuak


Berriki, lankide batek aipatu dit Mindmeister admin mapak egiteko web 2.0. tresnak erabiltzeko baldintzak aldatu dituela. Lehen, erabiltzaile bakoitzak hiru adimen mapa egin zitzakeen gehienik, doako zerbitzuan. Hori aldatu da. Orain, erabiltzaile egiteko, datu pertsonalak bete dira, bankuko datuak barne. Lehen 30 egunetan doan erabil daiteke, baina gero ordainarazten dute. “Kontu pertsonala” 4,99 euro hilabetean.

Mindmeister

Nahi adina adimen mapa egin daitezke, baina askok adimen mapak oso noizbehinka egiten ditugu, eta zertarako ordaindu, eta bereziki, hainbeste?

Arazoa tresna horrena balitz bakarrik, ez nintzateke hasiko hau idazten. Baina kontua da, azkenaldian, gero eta tresna gehiago hasi direla lehen doan eskaintzen zutena ordainarazten, edo zerbitzu oso mugatua doan eskaintzen, eta “Premium” zerbitzua proposatzen, muga hori gainditu behar izanez gero. Hona hemen beste bi adibide:

Ordainpekoa
Maiz edo erregularki erabiltzen ditugun web 2.0. tresna asko dira, orain, “Premium” egitea gomendatzen dutenak. Gustatzen zaizun edo erabilgarria iruditzen zaizun tresna bat aurkitu orduko, tresna horren hesi ekonomikoetan zangotrabatzen zara. Eta beharbada badira beste tresna batzuk antzeko zerbitzua eskaintzen dutenak, doan. Baina berriz ere ibili behar duzu bila, eta ez dakizu zenbait hilabeteren buruan ez duten horiek ere “Premium” bertsio bat indarrean jarriko.

Beste mamu bat, egile eskubideen edo copyright-en inguruan ari da garatzen. Podcast-ak igotzeko eta partekatzeko biziki erosoa da Soundcloud tresna. Baina kontuz! Kronika bat egiten baduzu Audacity-n edo beste edozein programetan, atzetik musika jartzen baduzu, arazoak izanen dituzu podcast hori Soundcloud-era kargatzeko. Iaz ikasle batzuek ezin izan zituzten beren hainbat lan igo plataforma horretara, podcast horietan copyright-a zuten kantuak zeudelako (itxura guztien arabera, tresnak baditu bideak copyright-a duten zatiak detektatzeko, lan editatu batean ere). Aurten, ikasle bati Souncloud kontua ezabatu diote podcast batean copyright-a zuen kantu bat edo kantu zati bat jarri zuelako. Txarrena da, orain, sekulako oztopoak jartzen dizkiotela beste kontu bat sortzeko.

+ Ez dago iruzkinik

Zurea gehitu