Mikrokredentzialak duela hamar bat urte sortu ziren, hezkuntza sektoreko hainbat eragileren arteko lankidetzaren ondorioz. Unibertsitateek bultzada handia eman diote kontzeptu honi, baina gobernuek eta enpresek ere zeregin garrantzitsua izan dute. Helburua argia da: prestakuntza eskuragarriagoa, malguagoa eta lan merkatuaren beharretara egokituagoa eskaintzea.<\/p>\n
Definizioz, mikrokredentziala ikasketa labur baten ondoren lortutako ziurtagiri ofiziala da. Prestakuntza horren bidez, ikasleak ezagutza edo gaitasun espezifiko batzuk eskuratzen ditu, eta lorpen hori ebaluazio garden baten bidez egiaztatzen da. Gainera, prestakuntza hauek konbinagarriak dira, eta horri esker pertsona bakoitzak bere ibilbide pertsonalizatua eraiki dezake pausoz pauso. Mikrokredentzial ezberdinak elkartuz, posible da etorkizunean kredentzial handiago edo titulazio zabalago batera iristea.<\/p>\n
Beste ezaugarri garrantzitsu bat eramangarritasuna da. Mikrokredentzialaren jabea ikaslea bera da, eta berak erabakitzen du noiz eta norekin partekatu bere prestakuntzaren aitortza. Bizitza osoko ikaskuntza Europako lehentasun estrategikoetako bat da. Horren adibide da 2022an Europar Batzordeak mikrokredentzialen inguruan onartutako estrategia bateratua. Ekimen horren helburua da Europako herrialdeetan martxan zeuden ekimenak bateratzea eta kalitate estandar komun batzuk ezartzea, kredentzialen aitortza errazteko. Europak hainbat printzipio nagusi zehaztu ditu mikrokredentzialak garatzeko, besteak beste kalitatea, gardentasuna, ebaluazioaren bermea eta
\neramangarritasuna. Aldi berean, kredentzial digitalak garatzeko azpiegitura bateratua sustatzen ari da, blockchain teknologian oinarrituta, ikaskuntza esperientziak modu seguruan egiaztatzeko.<\/p>\n
Joera hau ez da Europara mugatzen. Mundu mailan ere hainbat herrialde izan dira aitzindari, hala nola Kanada, Australiako zenbait estatu, AEBetako hainbat eskualde, Singapur edo Irlanda. Herrialde horietan plataformak eta atari nazionalak sortu dituzte, herritar guztiei prestakuntza modularra eta eskuragarria bermatzeko.<\/p>\n
Mondragon Unibertsitatean helburua da gero eta prestakuntza eskaintza zabalagoa eta konbinagarriagoa garatzea, profesionalen eta enpresen behar berriei erantzuteko. Une honetan 30 mikrokredentzialetik gora daude martxan hainbat arlotan, besteak beste hezkuntzan, zibersegurtasunean, proiektuen kudeaketan, enpresen kudeaketan, talentuaren garapenean, kooperatibagintzan eta datuen esparruan. Horiez gain, beste hainbat proposamen ere garatzen ari dira, gastronomiaren arloan adibidez. Mikrokredentzialek 1 eta 15 kreditu artean izan ditzakete; hau da, 15 eta 375 ordu arteko prestakuntza eskaintzen dute. Horregatik, etengabeko prestakuntzan eta bereziki enpresentzako in company ereduan, osagarri estrategiko bihurtzeko aukera handia dute.<\/p>\n
Prestakuntza ulertzeko modua aldatzen ari da. Orain arte nagusi izan den eredu linealetik \u2014ikasketak egin, titulua lortu eta lan mundura salto egitea\u2014 eredu modular eta malguago batera igarotzen ari gara. Testuinguru horretan, mikrokredentzialek garrantzi handia izango dute, pertsona bakoitzak bere prestakuntza bidea modu malguan eraiki ahal izateko.<\/p>\n
Azken finean, bizitza osoan ikastea ez da jada lelo hutsa. Gaur egun behar sozial eta ekonomiko bihurtu da, eta mikrokredentzialek aukera berriak irekitzen dituzte ikaskuntza hori eskuragarriagoa, eguneratuagoa eta pertsona bakoitzaren beharretara egokituagoa izan dadin.<\/p>\n","protected":false},"excerpt":{"rendered":"
Zer dira mikrokredentzialak? Mikrokredentzialak duela hamar bat urte sortu ziren, hezkuntza sektoreko hainbat eragileren arteko lankidetzaren ondorioz. Unibertsitateek bultzada handia eman diote kontzeptu honi, baina gobernuek eta enpresek ere zeregin garrantzitsua izan dute. Helburua argia da: prestakuntza eskuragarriagoa, malguagoa eta lan merkatuaren beharretara egokituagoa eskaintzea. Definizioz, mikrokredentziala ikasketa labur baten ondoren lortutako ziurtagiri ofiziala da. Prestakuntza horren bidez, ikasleak ezagutza edo gaitasun espezifiko batzuk eskuratzen ditu, eta lorpen hori ebaluazio garden baten bidez egiaztatzen da. Gainera, prestakuntza hauek konbinagarriak dira, eta horri esker pertsona bakoitzak bere ibilbide pertsonalizatua eraiki dezake pausoz pauso. Mikrokredentzial ezberdinak elkartuz, posible da etorkizunean kredentzial handiago edo titulazio zabalago batera iristea. Beste ezaugarri garrantzitsu bat eramangarritasuna da. Mikrokredentzialaren jabea ikaslea bera da, eta berak erabakitzen du noiz eta norekin partekatu bere prestakuntzaren aitortza. Bizitza osoko ikaskuntza Europako lehentasun estrategikoetako bat da. Horren adibide da 2022an Europar..<\/p>\n","protected":false},"author":296,"featured_media":247,"comment_status":"open","ping_status":"open","sticky":false,"template":"","format":"standard","meta":[],"categories":[1],"tags":[],"series":[],"yoast_head":"\n