MGEP GMHZ Diseinuan sakontzen: ontzi plastikoen diseinua UROLAn

Azaroaren 7an, Mondragon Goi eskola Politeknikoko ( MGEP)  Fabrikazio Mekanikorako Diseinuko 2.mailakoek Urola S. Coop. bisitatu zuten, Legazpin. Bertan, plastikozko ontziak egiteko makinak egiten dituzte, eta horretarako, ez bakarrik makinen diseinua eta fabrikazioan, baizik eta plastikoen portaeran eta moldeen diseinuan ere jantziak dira.

Bertan, Gurutz Galfarsoro-ren eskutik, moldeak diseinatzeko moldeatuko den materialaren propietateek daukaten garrantziaz jabetu ziren gure diseinatzaile berriak, plastiko batzuekin forma batzuk ezin direla lortu, adibidez.
Beste ikuspuntu batetik, Aratz Jauregik fabrikazio-planoak nola egiten dituzten, zeri ematen dioten garrantzia edota planoa beste edozein herrialde batean, Txinan adibidez, ondo ulertzeko jarri beharreko kota, tolerantzia etab.-en azalpena eman eta demostrazio txiki bat egin zien gure ikasleei.

Denok pozik irten ginen bisita honetatik, bai ikasle zein irakasleak, gure eginkizuna izango dena hobeto ulertzen dugulakoan!