Jokin Ayastuy, Automatizazio eta Robotika Industrialkeko goi mailako heziketa ziklokoko (GMHZ) ikaslea da MGEP-en. Lan munduan urteak pasa ondoren, berriro ikasten hasi da eta bere testigantza utzi digu:
Geyser-Gastech enpresan hasi nintzen “berogailuen produkzioan” lanean. Bertan 6 urte egin nituen eta ondoren, Fagor Etxetresnetako bazkide gisara egon nintzen 2018 arte, azken bi urteak Cata CNA Groupen egin nituelarik.
Ez nuen pentsatzen nire formakuntza eguneratu beharra izango nuenik. Inork ez baitzuen pentsatuko Fagor Etxetresna moduko lantegi bat itxiko zenik. Ordurarte, Geyser-en lan aldetik ondo ibili izan ginen beti, nahiz eta noizean behin gora-beheraren bat izan, baina inoiz ez nuke pentsatuko egunen baten guztiaren amaiera iritsiko zenik.
Lan munduan urte dexente igaro ondoren, eta hainbat egoera medio Automatizazio eta Robotikako Goi Mailako Heziketa Zikloa egitea erabaki nuen MGEP-en. Berriro ikasketei ekitea oso oso gogorra egin zitzaidan hasieran, baina poliki- poliki, eta irakasle eta ikaskideengatik jaso dudan laguntzari esker, egoerari aurre egin diot eta hau norberarentzat poztasun eta asetze pertsonal garrantzitsua da.
Automatizazio eta Robotikako Ikasketetan aplikatzen den metodologia praktikoari esker, ikasitako teoria bertan aplikatzeko aukera ematen digu. Landu ditugun erronkak lantegietako egunerakotasunean daude oinarrituta eta horrek asko laguntzen du gure ikasketen aplikagarritasuna ikusten.
Nolabait egindako ibilbideak erakutsi dit inoiz ez dela berandu ikasteko eta beti dagoela zer ikasi eta ikasitakoa beti dela aberatsgarria.
Ikasketak amaitu eta nire desioa lan munduan aritzea da, lanean hasteko gogo itzela dut, modu baten faltan ere bota izan baitut denbora honetan, ikasketan guztiz murgilduta ibili naizela. Gainera, beste erronka berri bateri ekiteko aukera izango da neretzat, ikasitakoa demostratu eta lan giroan berriz ere txertatu eta egokitzeko parada.
Eskerrik asko Jokin, zure ibilbidea gurekin partekatzeagatik. Zorte on zure etapa berri honetan eta ia Fagor Ederlan enpresan pozik aritzeko aukera duzun. Ziur baietz !