Mondagon Goi Eskola Politeknikoko (MGEP) Goi mailako Heziketa zikloko ( GMHZ) Mekatronikako 2.mailako ikasleek Zulatzaile manual baten automatizazioren Erronka landu dute
BIDEOA ikusi: https://youtu.be/obDYfO9WFMo
Aurten, 2.mailako ikasle Mekatronikoak, zulatzaile manual baten automatizazioa eskatu duen Erronka bideratu dute. Erronkak titulazioak eskatzen duen makinen edo eta prozesu mekatronikoen hobekuntzen proposamenak hausnartzea eta burutzearen konpetentzia teknikoa landu dute.
Konpetentzia hau garatzeko asmoz, eskuz kontrolatzen den zulatzaile bat hartu eta lan baldintza berriak ezarri dizkiegu ikasleei. Baldintza berri hauek mugimendu pare baten automatizazioa ekarri du. Zulatzailea berez lerro automatiko baten zatia da eta zinta garraiatzaile batetik datozen piezak Robot batek jaso eta zulatzailera mugitzen du, bertan programaturiko zuloa egin eta argazki baten bitartez pieza ontzat edo txartzat ematen da eta horren arabera paletizatu edo errefusera bideratzen du.
Hasiera batetan, zulatze ardatzaren mugimendua eta zulatze zuloaren sakonera programagarria lortzeko helburua finkatu zen. Orain eskuz egiten diren mugimendu hauek automatizatu beharrean egon ziren ikasle taldeak.
Erronka honek eskatu ditu hainbat fase eta lan desberdin:
- Barautzaren mugimendu bertikala automatizatzeko asmoz, eragingailu desberdinetatik onura gehien eskaintzen zituena aukeratu behar izan zuten bai eta baldintzak eskatuta erreferentzia konkretu bat; kasu honetan DC motor bat ezarri behar izan zuten.
- Zuloaren sakonera programagarria izan dadin, mugimendu bertikalaren neurketa bideratu behar izan dute. Horretarako dauden sentsore aukera desberdinetatik onura gehien eskaintze duena aukeratu zuten. Kasu honetan Enkoder lineal bat aukeratu zuten.
- Mugimendu bertikal kontrolatua lortzeko asmoz, mekanikoki 3D modelizazioaren (SolidWorks) bitartez, ardatz berri bat diseinatu, fabrikatu eta muntatu egin dute. Bide batez, Solid programa erabiltzen ikasteko asmoz, zulatzaile osoaren modeloa bukatu dute.
- Bai enkoderra bai motorra ardatzera akoplatzeko asmoz euskarri bi desberdin diseinatu eta 3Dko inpresoraren bitartez fabrikatu eta muntatu dituzte.
- Garraitze zinta muntatu, detektoreak ezarri, elkartu eta martxan jarri behar izan dute.
- Automatizazio guzti hau lortzeko eta kontrolatzeko Siemens-eko S7-1214 PLC bat erabili, programatu eta martxan jarri dute.
- Armairu elektriko bat diseinatu, beharrezko elementu elektrikoak aukeratu, muntatu eta martxan jarri behar izan dute. Bertan PLCa ere ezarri dute.
- HMI ukitze pantaila baten programatu eta elkartu behar izan dute:
- Sistema abiatzeko edo geldi arazteko.
- Zuloaren sakonera finkatzeko.
- Pieza kopuru on eta txar kopuruak kontatzeko
- Alarma leihoa programatzeko, matxura desberdinak gertatzen mezuak azaldu daitezen.
- Detektore desberdinen egoera zein den identifikatzeko,…
- ABB robotaren programazioa osatu dute zintatik pieza hartu, zulatzailera eraman zulaketa bideratzeko eta kalitatearen araberako bi kaleratze mugimenduak egiteko ibilbideak programatu dituzte.
Azkenik Zeharkako konpetentziak garatzeko asmoz, Erronkaren txosten tekniko bat idatzi behar izan zuten.
Produktuaren eredu bat argazkian ikus daiteke:
Bideoan ikus daiteke, DUALeko ikasle talde batek lortu duen emaitza.