Goi Mailako Lanbide Heziketako zikloetako ikasleek, Tknika-k antolatzen duen IKASENPRESA, ekintzailetasuna lantzeko proiektuaren baitan sortu dituzten enpresa proiektuak aurkeztu dituzte MGEPn egin den Ekintzailetasun Ferian.
Bertan aurkeztu diren proiektuen artean daude: kalibrea eta bolaluma uztartzen dituen erreminta imanizatua tailerrean dena eskura izateko; ureztaketa automatikoa duen loreontzia; eguzki indarrarekin kargatzen den bateria-kargatzaile portatila; edota, ergonomia eta segurtasuna uztartzen dituen lanerako txalekoa.
Proiektu guzti hauek, otsailaren 13an Eibar-ren ospatuko den Euskadi mailako IKASENPRESA Ferian aurkeztuko dituzte gure ikasleek.
