Joan den ostegunean, urriaren 30ean, Amazonen ikastunen programaren lehen promozioaren diplomak banatzeko ekitaldia egin zen Mondragon Goi Eskola Politeknikoaren (MGEP) instalazioetan.. Lehen promozio hori Eusko Jaurlaritzako Lanbide Heziketako Sailburuordetzak bultzatu du, eta ikastaroan parte hartu eta gainditu duten 20 ikasleek mekatronika industrialeko goi-mailako zikloko titulazioa lortu dute, programa DUAL eta malgu bati jarraituta, Amazonen ikastunen programaren prestakuntza-beharretara egokituta.
20 ikasleak Espainiako eremu geografiko desberdinetakoak dira eta 20 eta 50 urte bitarteko adina dute. Aniztasun horri esker, programa inklusibo eta askotarikoa garatu ahal izan da, eta horrek ikasleen ikaskuntza-prozesuak eta esperientzia positiboa erraztu ditu. Promozioa oso ondo egokitu da programa akademikoaren (MGEPen garatua) eta alderdi praktikoaren (Amazonek lurralde nazionalean dituen logistika zentroetan garatua) baldintza zorrotzetara, eta oso kalifikazio onak lortu ditu, Mondragon Goi Eskola Politeknikotik igaro den promozio onenetako bat bezala nabarmenduz.
Amazonen ikastunen programa lehen mugarria eta erreferentea izan da lanbide heziketarako, eta gaur egun beste bi promozio egiten ari dira (130 ikasle) Mondragon Goi Eskola Politeknikoan, DUAL modalitatean.
Zorionak eman nahi dizkiegu programa aitzindari honen lehen promozio honetan parte hartu duten pertsona guztiei: irakasle-taldeari, logistika-zentroetako tutore-taldeari, zikloaren koordinatzaileei eta, bereziki, titulazioa lortu duten promozioko 20 ikasleei.
