Gero eta gehiago dira Mondragon Goi Eskola Politeknikoan (MGEP), DUAL Intentsiboa egitea aukeratzen duten Lanbide Heziketako ikasleak. Aurten 94 ikaslek izan dute aukera hau, inoizko balio altuena izanik. 2017-2018 ikasturtetik gaur arte, ikasle kopuruaren bilakaera oso positiboa izan da (COVID pandemia izan zen urteak salbu).
DUAL Intentsiboa aukeratzen duten Lanbide Heziketako ikasleek, ikasketak eta enpresan egindako lana uztartzeko aukera izaten dute:
- Ikasketen zati bat, klaseetatik kanpo, enpresan bertan egiten dute.
- Eskolan ikusitako gaiak, mundu errealean lantzeko aukera izaten dute, eta honek ikasketa prozesua asko aberasten du.
- Ikasleek soldata bat jasotzen dute egindako lanagatik, independentzia ekonomikoa erraztuz.
- Ikasleek beraien eguneroko agenda eta aktibitateak hobeto antolatzeko gaitasuna garatzen dute.
- DUAL programak enpresa mundurako sarrera errazten du, ikasle askok, DUAL epea bukatu ostean, enpresan lanean jarraitzeko aukera izaten baitute.
2025-2026 ikasturtean Lanbide Heziketan dabiltzan ikasleen %79ak aukeratu du ikasketak DUAL intentsiboan burutzeko aukera.
Aipatzeko datua da, MGEP-en DUAL aukera egiten duten ikasleen gehiengo handi batek izaten duela ikasketa formatu hau burutzeko aukera. 2025-206 ikasturtean, nahi izan duten ikasleetatik %95ak izan du aukera:
Datuek argi erakusten dute MGEP-ek DUAL formatuarekin duen konpromezua. Era berean, datu hauek ahalbidetu dituzten enpresa desberdinek, DUAL formaturekin konpromezu sendoa erakutsi dute. Emaitza hauek, Ikasketa zentro eta enpresen arteko kolaborazio, elkarlan eta konpromisoaren ondorio izan dira.