MGEP GMHZ koordinatzaile eta irakasleak Lanbide Heziketa Nazioarteko Kongresuan izan gara

Aste honetan Lanbide Heziketa Nazioarteko Kongresua izan da. Atzeratu behar izan zen Covid-a dela eta, baina lortu dugu elkartzea!

Tknikak antolatuta, han izan ginen zenbait Mondragon Goi Eskola Politeknikoko (MGEP)  goi mailako  heziketa zikloetako  (GMHZ) irakasleak ere.

• • Industria 4.0 hemen dago, orain hamar bat urte etorri zen, eta Lanbide Heziketako Eskolen ardura da gure teknikariak prestatzea Euskadiko enpresak bidai honetan lagundu eta bultzatu ditzaten
  • Covid-ak, enpleguaren zenbaki handietan baino, lana egiteko eran eragin du: bideo-konferentziak eta bidaien murrizketa geratzeko heldu dira.
  • Teknologia behar dugu, baina are eta gehiago, efizientzia eta metodologia berriak. Formakuntza behar dugu teknologia aurreratuak erabiltzen dituzten enpresatan lana egiteko gai izan gaitezen
  • Eraldaketa digitalaz hitz egin da (ez digitalizazioa soilik, baizik eta eraldaketa digitalki edo digitalizazioan oinarriturik)
  • Robotizazioa eta langabezia ez datoz eskutik: robot gehiago dagoen lurraldeetan (Korea, Alemania) langabezia-tasa oso txikia edo nuloa da. atzeratuta geratu gaitezke. Roboten arloetan lana egiten duten adituek diote robotak lan mekaniko errepetitiboetan direla onak, eta hor bai ordezkatuko gaituztela, ez ordea, irudimena behar denean, ezusteak gertatzen direnean edota arazoak aztertu eta zergatiak bilatu behar direnean
  • Honek eramaten gaitu aztertu den beste gai batera: 4.0 honek ekarri ditu makinek beraien artean erlazionatzea (Internet of Things – IoT, Machine Learning), robotizazioa… aurrerapen tekniko itzelak, baina 5.0-ak eskatuko du gizakian zentratzea: ikusten ari gara makinek kenduko dizkigutela indarra, azkartasuna, prezisioa edo errepikabilitatea behar duten lanak, baina ez pertsonen arteko erlazioak behar dituztenak, edota pentsatzea, hausnartzea, pentsamendu kritikoa eta, noski, gizakien inteligentzia emozionala eskatzen dituztenak.
  • Ildo honetatik, bai Amerikan zein Europan, eskola profesionalak beraien medioak robotizatzen, interkonektatzen ari dira, horren aurreratuak ez diren enpresek behar dituzten ohizko teknologiak ahaztu gabe.
  • Joera handia ikusten ari da, baita ere, PYME eta eskolak konektatzeko, haiek eskolen medioak erabili ditzaten beraien egoera aurreratzeko, era merke batean konprobatu dezaten ea proposatzen dituzten aukerak posible diren ala ez.

CAF-eko presidentea, Andres Arizkorreta jauna, ere izan zen, eta bere enpresan Lanbide Heziketak duen garrantzia adierazi zigun. Gaur egun langile berri bati zer eskatzen zaion esan zigun: lortu duen titulua, lan-bizitzaren hasiera besterik ez da, beharko dituen abilezien oinarria; egun horretatik aurrera, ikasi besterik ez du egingo. “Egoerak” dagoeneko ez dira izango egonkor: prest izan behar gara munduarekin, egoerekin, aldatzeko, beste zeozer probatzeko, sakontzeko gure ezagutzetan… edo arloz aldatzeko. Eta beste berezitasun bat: antzinan langileen artean ematen zen konpetizio hori, “hobe dut nire ezagutzak gordetzea, eta horrela ez naute botako enpresatik”, dagoeneko ezin da eman, lana kolaboratiboa da: edozein postutan, taldea osatuko dugu, eta lana burutzeko danok ipini behar ditugu gure ezagutzak eta gure ardura proiektuan!

Ilusioz beteta bueltatu gara MGEP-eko GMHZ koordinatzaile eta irakasleok. Orain, ikasleak ilusionatu behar ditugu, beraien erronka da hau eta: gure gizartea, gure enpresak, aurrera ateratzea, ingurukoen parera!