MU ONLINE formazio pilulak (26): bideo-oharrak hartu Videonot.es aplikazioa erabiliz

Agerikoa da bideoen erabileraren gorakada hezkuntzan eta,  joera guztien baitan, gero eta gehiago erabiliko ditugu gainera. Gure ikastaroetan, sarean topatzen ditugun bideoak edo guk geuk sortutakoak ipintzen ditugu maiz, ikasleek ikus ditzaten. Ataza aberaste aldera, komeni izaten da, bideoa ikusi ahala, oharrak hartzea. Nola kudeatu, baina, ikusten ditugun edo ikasleek ikusten dituzten bideo horiei buruzko oharrak?

Videonot.es aplikazioak aipatutako prozesua errazteko aukera emango digu. Aplikazio honek bideoak ikusten ari garen bitartean oharrak idazteko aukera eskainiko digu. Ohar horiek, bideoarekin sinkronizatuta, gure Drivean gordeko dira. Driveko beste edozein elementu bezala, besteekin partekatu ahal izango ditugu, hala nahi izanez gero.

Bideotutorial honetan, beraz, ondokoa ikasiko dugu:

• Videonot.es aplikazioa instalatzen.
• Bideo bat ikusi ahala, oharrak gordetzen.

Bideoa euskaraz dago eta gaztelaniazko azpitituluak ditu. Azpititulu horiek gaitu edo desgaitzeko, klikatu botoian, irudian azaltzen den bezala.

Bideotutoriala: