Ibon Perez Markuleta MGEP GMHZ Mekatronikako ikaslea HJG enpresan DUALa egiten

Gaur Ibon Perez Markuletarekin izan gara,  Mondragon Goi Eskola Politeknikoa (MGEP)  Goi mailako Heziketa zikloko (GMHZ) Mekatronika Industriala 2.mailako ikaslea.

1.      Zer dela eta erabaki zenuen Goi Mailako Hezikleta Zikloa hau egitea? Eta zergatik MGEPen?

 Hasieran beste ikasketa batzuk egiten hasi nintzen, ingeniaritza, alegia, beste zentru batean, eta ez zidan konbentzitu, zeozer praktikoagoa bilatzen nuen. Horregatik aukeratu nuen Mekatronika industriala  goi mailako ziklo hau egitea. Gainera, hemen inguruan, irteera asko izan ahal dituen heziketa zikloa da, eta oñatiarra izaki, Arrasaten egitea erabaki nuen.

2.      Zer suposatu du zuretzat zikloa ikasteak? Zikloko zein aspektu azpimarratuko zenuke?

 Zikloko ezagutzak, askoz zuzenagoak iruditu zaizkit, praktikoagoak. Lan mundura ongi zuzenduak daudela esango nuke. Azpimarratzekotan, tailer orduak edo praktikaldiak azpimarratuko nituzke, entretenigarrienak egin zaizkit eta.

3.      Noiz hasi zinen DUALean? Noiz bukatzen duzu? Zein izan da zure instruktorea ENPRESAn? Zein da ENPRESAren lan esparrua edo sektorea? Eta zein da zure DUALeko lan saila?

 Duala 2023ko ekainean hasi nuen, eta hurrengo urteko ekainean amaituko dut. Bi instruktore ditut jarraipena egiten, enpresako tutorea Egoitz Urruzola dena, eta eskolakoa, Josu Urkiola. Enpresari dagokionez, Oñatiko Hijos de Juan de Garay-n nago. Honek, 3 dibisio ditu eta ni hodi produkzioko sailean nago, automobilgintzara zuzenduta dagoena. Nire postuarekiko, mantenimentuan aurkitzen naiz duala egiten.

4.      Zein motatako lanak egiten dituzu DUALean? Ikasitakoarekin lerrokatuak al daude? Zer nolako ardurak hartu behar izan dituzu?

 Hein handienean ofizinako lana egokitu zait. Mantentzearen digitalizazioa aurrera eraman nahi da, eta horretarako pabiloiko estrukturaketa, lan prebentiboen gama ezberdinak, ordezkoen zerrendarako lanak etab. egiten aritu izan naiz. Ikasitako ikasgai batekin guztiz lotua dago, eta besteekin nahiz eta guztiz lerrokatuak ez egon, oso lagungarriak egiten zaizkit. Izan ere, lana gehien bat mantentzearen kudeaketari dago lotua, baina mekanikaz jakitea ere ezinbestekoa da. Ez dut ardura handiegirik nire gain hartu, baina pabiloiko makina guztien estrukturaketa egin dut adibidez.

5.      Zer eskaini dizu ENPRESAn DUALa egitea arlo pertsonaletik zein arlo tekniko-profesionaletik?

 Jende ezberdinarekin lan egiten ikasten da, adin, toki edota postu ezberdineko jendeaz topo egiten da eta bertan. Lan talderako balore ezberdinak jorratzen dira. Arlo tekniko-profesionaletik, aurretik nituen ezagutzak askoz modu sakonagoan garatzen dira, eta dualaren alde ona hori dela uste dut. Lanean ikasten dena, askotan ez da klasean ikasten. Zentruan, jakintza orokorrak ematen dira, baina bene benetan lanean ikasten da.

6.      DUALa berriz egingo zenuke?

Berriz egingo nuke. Esperientzia baliagarria da eta arlo teknikoetaz gain pertsona modura eta bizi esperientzia bat gehiago gisa elikatzen zaitu. Horretaz gain, baldintzak ere onak dira.

7.      Ze gomendio emango zenioke orain ikasten ari den norbait? Edo zikloa ikasi ala ez pentsatzen ari den norbaiti?

Nire ustetan aukeraketa ona izango zela, klasean giro ona izaten da, ezagutza baliagarriak jasotzen ditugu eta irteera dexente dituen kurtsoa izan daitekeela. Dudan dagoenari animatzeko esango nioke.

8.      Zein da zure etorkizuneko asmoak?

Egia esan, oraindik ez dut oso garbi, baliteke urte bateko espezializazioko kurtsoren bat egitea. Baina enpresarekin ere hori komentatzea gustatuko litzaidake, egia esan nahiko gustura ari naiz bertan eta.

Milesker  Ibon gurekin zure esperientzia partekatzeagatik!.