ULMA Packaging-eko azpimultzoen lanketa erronkaren bitartez MGEP GMHZ Mekatronikako ikasleekin

Martxoaren erdialdean, ULMA Packaging-ek utzitako bi azpimultzoekin hainbat lan bideratuko dugu Mondragon Goi Eskola Politekniko (MGEP) Goi mailako Heziketa Ziklo (GMHZ) Mekatronika industrialeko 1.mailako ikasleekin.

Esther Ugaldea, Giza Baliabideko teknikaria, Reyes Caro, Termoformatuko saileko muntatzaileen arduraduna, eta Unai Egaña, Flowpack saileko muntatzaile arduraduna, gerturatu ziren ikasleei ULMA Packaging enpresa aurkeztera eta bideo eta dokumentazio teknikoen laguntzaz, azpimultzoak azaldu zizkieten: makina bakoitzaren lanak zeintzuk diren, utzi dizkiguten azpimultzoak non kokatzen diren, zein ezaugarri dituzten eta abarreko informazioa azaldu zieten ikasleei.

Esther Ugaldea, ULMA Packagingeko Giza Baliabideko teknikaria hitzaldiaren une batean

Reyes Caro, ULMA Packagingeko Termoformatuko saileko muntatzaileen arduraduna, azpimultzoak azalzten

Unai Egaña, ULMA Packagingeko Flowpack saileko muntatzaile arduraduna, ikasleari zuzendutako hitzaldian

Azalpenak bukatu ondoren, ikasleekin muntaia tailerrera jaitsi ginen eta azpimultzoen desmuntaiarekin hasi ziren taldeka.

Datozen 16 egunetan, Termoformatuko eta Flowpack-eko bi azpimultzorekin ibiliko dira gure ikasleak, 1.mailako moduluetan ikasitakoa praktikan jarriz. Alde batetik, mekanika arloa garatuko dute, azpimultzoak desmuntatuz, desmuntaia eta muntaia prozesu-orriak osatuz, elementu komertzialen zerrenda eta ezaugarriak identifikatuz, pieza esanguratsuen 2Dko planoak eginez marrazketa teknikoa landuz, Flowpack-eko koadro elektrikoaren diseinua eginez, muntatuz eta batzaile sistema ondo dabilela konprobatuz, sistema pneumatikoen azterketa landuz eta, azkenik, Termoseilatuko azpimultzoak burutuko lukeen termoseilatu lan ziklo bat simulatuz PLC baten kontrolaren bitartez landuko dute.

Ikasleentzako oso erakargarriak diren Muntatzaile lanak egingo dituzte, ULMA Packaging-ek dituen lanpostu konkretu batzuk simulatuz. Mekatronika Industrialeko tituluaren bitartez, ikasleek Muntatzaile teknikari konpetentzia garatuko dute horrelako Erronka bitartez.

Mekatronika industrialeko ikasle talde batzuk MGEPen  ULMAPackagingeko azpimultzoekin lanean

Gure aldetik, eskerrak eman nahi dizkiegu ULMA Packaging-eko langileei aukera zoragarri hauxe ematearren eta, aurrera begira, honelako harremanek gero langile izango diren ikasleen formakuntzaren hoberako izango dela seguru gaude, beraien lanpostuan burua kokatzen azkarrago lortuko dutelarik.