Atzerrirako lan praktikak eta beka bilatzaileak

PRAKTIKAK ATZERRIAN

Erakunde ezberdinek eskainitako praktika eta beken zerrenda bat luzatzen dizuegu. Alde batetik beka eta dirulaguntzak eskaintzen dituzten erakundeen informazioa aurkituko duzue eta bestetik praktiken bilatzaileak.

Gazteaukeran aurkitutako informazioaz gain beste link batzuk ere gehitzen dizkizuegu:

• Novia Salcedok eskeinitako praktikak atzerrian http://www.noviasalcedo.es/jovenes/empleo/movilidad2.asp?idElemento=75

Novia Salcedo fundazioak urtero ateratzen ditu gazte titulatuei bideratutako mugikortasunerako bekak. 2013an 53 beka atera ditu.

• Faro bekak: http://www.becasfaro.es/pages/cont/index.php?id=27

Valladolideko Unibertsitateko Fundazio Nagusiak kudeatutako programa honek Espainiako ia 1000 ikasleri urtero-urtero aukera ematen die ia mundu osoko enpresetan praktikaldia egiteko bekak eskatzeko. Hezkuntza Ministerioak sustatutako mugikortasun-programa da. Informazio espezifikoagoa lortzeko, zure burua erregistratu behar duzu.

• Argo bekak: http://becasargo.es/portal/web/guest;jsessionid=A3B8AFB11671AA91B036F78225C263D1

Argo Global mugikortasun-programa bat da, Hezkuntza Ministerioak sustatua Espainiako unibertsitate guztietako tituludunen prestakuntza osagarria bultzatzeko atzerriko enpresetan praktikak eginez.

• Confebask: http://www.confebask.es/corporativa/default.aspx

Urtero-urtero beka-laguntza programa bat jartzen du abian Leonardo da Vinci europar programaren babesean, Europako herrialdeetako enpresetan 24 asteko praktikaldi bat egiteko lan-munduan lehen esperientzia bat edukitzeko helburuarekin.

• Elkano: http://www.ehu.es/elkano/

Euskal Herriko Unibertsitateak, Gaia Euskadiko Telekomunikazioen Kluster Elkartearekin elkarlanean, praktika-ekimen berri bat antolatu du.

• Sepi fundazioa: http://www.fundacionsepi.es/

Esperientziarik gabeko tituludun gazteentzako prestakuntza praktikorako beka-programak sustatzen ditu, mota askotako instituzio eta enpresekin elkarlanean (Iberia, Deloitte, Telefónica, CASA, EADS eta abar). Bereziki egokiak ingeniaritzen eta enpresa-administrazioaren edo enpresa-zientzien alorretarako. Beka horietarako urteko deialdia egiten da.

• IES-Consulting: http://www.ies-consulting.es/

IES-Consulting Espainiara praktikak egitera etorri nahi duten europar ikasleentzako programa da. Espainiako zenbait enpresatan stageak egiteko aukera eskaintzen du, eta, bereziki, turismo-sektorean lan egiteko aukera.

• Vulcanus bekak. Vulcanus in japan: http://www.eu-japan.eu/global/vulcanus-in-japan.html

Programa honi esker, EBko ikasleek Japonian industria-praktikak egiteko aukera dute, Japoniako industria-enpresa batean jardunez eta aldi berean japoniera ikasiz. Irailean hasten da eta hurrengo urteko abuztuan amaitzen, EBko estatu kideetako ikasturte akademikoarekin bat egiteko. Ikasleek astebeteko mintegia eta 4 hilabeteko japoniera-ikastaro trinkoa egiten dute Japonian, eta, jarraian, 8 hilabeteko praktikaldia Japoniako enpresa batean.

• Bancaja Leonardo Adeit bekak: http://www.adeit-uv.es/becasleonardo/

Bancajaren eta ADEIT Valentziako Unibertsitatea-Enpresa Fundazioaren arteko Akordioari jarraiki, azken horrek 200 bekaren deialdia egin du Europako enpresetan praktikak egiteko, eremu nazional osoan edozein tituluren jabe diren unibertsitate-tituludunentzat.

• Icex bekak: http://www.icex.es/icex/cda/controller/page/0,2956,35582_10219_3088388_0_,00.html

1975. urteaz geroztik, enpresa-nazioartekotzeko zerbitzu-ematean espezializatutako profesional gazteen prestakuntza sustatzen dugu.

• MAEC- AECI bekak: http://www.aecid.es/es/convocatorias/

Atzerriko eta Espainiako herritarrentzako MAEC- AECID beka-programen urteko deialdia Espainiak garapenerako laguntza ofizialaren herrialde hartzaileekiko ezarritako lankidetza-politikaren tresna nagusietako bat da, eta, aldi berean, Espainiaren eta munduko gainerako herrialdeen kultura- eta zientzia-harremanetarako funtsezko elementua.

• Optimus programa: http://www.fue.es/HTML/0211_rrhhTitulados_OPTIMUS.asp

Unibertsitatea-Enpresa Fundazioak eta Gasteizko Francisco Unibertsitateak sustatutako OPTIMUS programaren helburu nagusia tituludun gazteak lan-merkatuan integratzea da, enpresa eta erakundeekiko koordinazioaren bitartez. Planteamendu dual bati jarraiki, OPTIMUS programak bi zati biltzen ditu, bat eginik doazenak: batetik, prestakuntza enpresan, tutoretzapeko lanbide-praktikaren bitartez, eta, bestetik, trebetasun eta gaitasunetan oinarritutako prestakuntza akademikoa, enpresa-munduarentzat.

• UNIVEM programa: http://www.fue.es/HTML/0211_rrhhTitulados_UNIVEM.asp

Gaur egun enpresek beste lehentasun batzuk hartzen dituzte aintzat, profesional gazteak kontratatu behar dituztenean. Izan ere, enpresak, gero eta neurri handiagoan, negoziazio-arlo jakin batzuetan berariazko prestakuntza jaso duten gazteak behar ditu. UNIVEM programari jarraiki, Unibertsitatea-Enpresa Fundazioak, Espainiako unibertsitate eta negozio-eskola bikainenekin sinatutako lankidetza-akordioen bitartez, gure inguruneko profil onenak izanik espezializazio-masterra egiten ari diren gazteak eskaini nahi dizkie enpresei.

AUKERAK ASIAN ETA ESTATU BATUETAN:

ASIAN

Becas – China

EEBB-etan

http://www.internshipprograms.com/favicon.ico

PRAKTIKA BILATZAILEAK

• Espainiako Ministerioko bilatzailea

http://www.educacion.gob.es/portada.html

• UAB ren beka bilatzailea: Bartzelonako Unibertsitate Autonomoko beka bilatzailea

http://www.uab.es/servlet/Satellite/beques-i-ajuts-1276168992788.html

• Gazte Informazioan bildutako bekak eta praktikak

Gazte Informazio bulegoetan interesatzen zaizun eta oso erabilgarria gertatzen zaizun hainbat informazio duzu eskura. Besteak beste, beka, lan eskaintza publiko eta sarien inguruko informazioa duzu. Hori guztia, bulegoetan edo web gunetik kontsultatu dezakezu. Eremua: Hainbat Administrazio Publiko eta erakundeetakoak (Europa, Estatua, Euskadi eta udalak)

• Doktoregoko eta doktoratu ondoko europar ikerketarako bekak

Europako programetan parte hartu nahi duten ikertzaile gazteentzako informazio baliagarria. Informa zaitez europar ikerketa-beketarako diru-laguntza eta beken inguruan.

• Lehen enpleguko bekak eta praktikak

Beka eta praktiken bilatzailea.

• Facil bekak

Beken bilatzailea, bekei buruzko doako informazio-zerbitzu pertsonalizatua eskaintzen duena.

• Unibertsitate bekak

Atzerriko espainiar irakasle, ikertzaile eta ikasleentzako bekei buruzko datu-basea.

• Lan bat nahi dut

Enplegua eskaintzen duten enpresen gida bermatu egin da, unibertsitate-titulazioa duten ikasle eta gazteei orientazioa eta laguntza ematen dien argitalpen gisa.

• Iagora [EN]

Europa osoko enpresekin mota guztietako okupazioetan lan egiteko aukerak eta praktikak eskaintzen ditu. Enpresen izenak eta enpresa bakoitzaren deskribapen txiki bat ikus daitezke, baina ez harremanetarako datuak. Orria bitartekari soila da.

• Europlacement [EN]

Mundu osoko lan-eskaintzak biltzen ditu, baita bitartekotza pertsonalari buruzko atal bat ere. Praktiken hautaketan, ostatu-bilaketan eta herrialdean bizitzeko baimenari dagozkion arazoen konponketan laguntzen dute. Zenbait herrialdetako bizimoduari buruzko gida batzuk proposatzen dituzte, eta zenbait aholku ematen dituzte aurkezpen-gutuna, curriculuma eta hautaketa-elkarrizketa egiteko moduaren inguruan.

• Eurobrussels [EN]

Praktikaldiak Europan. Europako hainbat enpresa, elkarte eta GKEren praktika-eskaintzei buruzko datu-basea da.

• Ekonomialarientzako eskaintzak europan

Web-orri honek harremanetan jartzen ditu mundu osoko enpresa handiak, garrantzizko unibertsitateak, GKEak eta abar praktikaldietan interesatutako pertsonekin. Bitartekaria da, eta ez du aldez aurreko baldintzarik jartzen. Lanbide-profil guztiak biltzen ditu.

• Capcampus [FR]

Ikasketak amaitu aurretik egokitzat jotzen baduzu lanbide-esperientzia baliagarri bat edukitzea, webgune honek informazioa eskaintzen dizu Frantziako praktikaldien eta Europako eta atzerriko truke- eta enplegu-programen inguruan. Zenbait aholku ere aurki ditzakezu bertan, hautagaitza aurkeztu aurretik aurkezpen-gutuna eta CVa prestatzeko zer egin behar duzun argituko dizutenak.

• InternAbroad [EN]

Atzerriko praktikaldiei buruzko informaziogunea. Ordaindutako eta borondatezko praktika akademiko edo profesionalen eta lanbide-heziketako programen eskaintza mundu osoan. Oso zehatza eskaintza bakoitzaren deskribapenean. Lanbide-profil guztiak biltzen ditu.

• InternshipUSA [EN]

Estatu Batuetan lanbide-esperientzia jaso nahi al duzu? AEBetako enpresa baten prestakuntza-programa batean parte har dezakezu, zure diziplinarekin zerikusia duen lanpostu batean. Webgune honek aukera eskaintzen dizu zure jarduera-sektoreko enpresak bilatzeko, zergei, osasun-laguntzari eta segurtasunari buruzko informazioa jasotzeko eta CV bat estilo amerikarrari jarraiki idazteko aholku batzuk ikasteko. Ezagutu dagoeneko programetan parte hartu duten beste zenbait pertsonaren iritzia.

• Jobpilot [EN]

Europan eta mundu osoan praktikaldiak egiteko aukeren berri ematen dizu. Prestakuntza-ikastaroak, zure prestakuntza eta interesekin bat datozen praktiken bitartez. Bilaketa sektoreen eta kokapenen arabera egin dezakezu, eta hautatzen duzun herrialdeko Jobpilot tokiko atariarekin konektatzeko aukera ere baduzu, hizkuntza nazionalean.

• Universia

Universia Iberoamerikako unibertsitate-lankidetzarako sare nagusia da, Iberoamerikako 23 herrialdetako 1.216 unibertsitate bazkide biltzen dituena (14 milioi ikasle eta unibertsitate-irakasleren ordezkari dira). Garrantzizko zerrenda eta informazioa eskaintzen du Europako instituzioetan eta nazioarteko beste erakunde batzuetan praktikak aurkitzeko.

Iturriak: Gazte aukera http://www.gazteaukera.euskadi.net/