Mondragon Unibertsitatea zenbakitan

Mondragon Unibertsitatea unibertsitate praktikoa, berritzailea eta konprometitua da, personen garapenean oinarritzen dena eta enpresaren eta gizartearen beharrei erantzuteko lan egiten duena. Mundu errealeko erronkei aurre egiteko prestatzen ditu bere ikasleak, eta jardun horretan dabiltza irakasleak eta ikertzaileak ere; hortaz, Mondragon Unibertsitatean, ezagutzak eta ezagutzaren aplikazioak ez dute mugarik.

Mondragon Unibertsitatearen datuak:

• 7 ezagutza-arlo lantzen ditu Mondragon Unibertsitateak: Ingeniaritza, Ekintzailetza, Enpresa Kudeaketa, Hezkuntza, Humanitateak, Komunikazioa eta Gastronomia

• 4 Fakultatetan antolatuta dago: Mondragon Goi Eskola Politeknikoa, Enpresagintza Fakultatea, Humanitate eta Hezkuntza Zientzien Fakultatea eta Gastronomia Zientzien Fakultatea-Basque Culinary Center.

• 10 campus ditu guztira: Arrasate, Goierri, Orona Ideo eta Bilbo (Bilbao Berrikuntza Faktoria eta Zorrotzaurre), Oñati, Bidasoa, Eskoriatza, Aretxabaleta eta Donostia.

Horrez gain, laborategiak ditu estatu mailan (Madril, Bartzelona eta Valentzian), eta baita nazioartean ere (Seul, Shangai, Querétaro eta Pueblan).

• Eskaintza akademiko zabala du: 16 gradu, 17 unibertsitate master, 4 doktorego programa. Horietatik, 17 graduk eta masterrek dute Unibasq-en DUAL aitortza eta 6k nazioarteko aitorpena.17 los grados y másteres con mención Dual.

• 400 ikasle gradu, master eta doktorego programetan dabiltza.

• Ikasleen %70 inguruk Formazio Dualean ikasten du. Aitzindari da Mondragon Unibertsitatea ikasketak eta lana partekatzen. Sinesten du ikasgelan ikasitakoa kasu errealen bidez, enpresetan bertan, praktikara eramateak asko aberasten duela ikaslearen formakuntza.

• Mondragon Unibertsitateko 1.210 ikasle nazioartekotze programetan dabiltza eta atzerritik etorritako 564 lagun gurean ikasten ari dira. Mugikortasun programekin Erasmusa sortu aurretik hasi zen Mondragon Unibertsitatea,  1972an. Egun 30 herrialde baino gehiagorekin ditu sinatuta mugikortasun hitzarmenak.

• Ikerketan diharduten irakasleak: %76. Ikerketa talde ugari ditu unibertsitateak eta urtero defendatzen diren tesiak ere asko dira.

Ikerketa ere enpresaren eta gizartearen beharretara egokituta egiten da, hau da, egungo nahiz etorkizuneko erronak errealei aurre egiteko helburuarekin. Horregatik, enpresekin hartu eman estua du Mondragon Unibertsitateak esparru honetan ere. Horren erakusle da, besteak beste, ikerketa kolaboratiboak duen presentzia.

• U-Multirank sailkapenen, estatuko lehen postuan dago unibertsitatea transferentziari dagokionean; Europan, (aztertutako 1.600 unibertsitateetatik) 37. postuan kokatzen da.

• 240 enpresarekin dihardu elkarlanean.

• Enpresatik etorritako 7.000 profesional inguru formatzen ditugu urtero. Izan ere, Mondragon Unibertsitateak, profesionalei zuzenduta eskaintza zabala dauka: masterrak, graduondoak, ikastaroak… Profesionalek bere lan ibilbidean etengabeko formakuntza jasotzeko ateak zabaltzen ditu unibertsitateak.

Baina zenbaki eta proiektu hauek guztiak egi bihurtzeko ezinbestekoa da pertsona ekintzailea izatea, eraldatzeko grina eta jakin-mina duena. Horrelako pertsonak hezteko MENDEBERRI 2025 deituriko hezkuntza-eredua garatu du Mondragon Unibertsitateak.

MENDEBERRI 2025en helburua pertsonen prestakuntza pertsonala, soziala eta profesionala dira, etorkizuneko erronka profesionalei aurre egiteko eta pertsona eta herritar gisa garatzeko gai izan daitezen. Datu horien itzalean, beraz, Mondragon Unibertsitatean hezkuntza-eredu berritzailea dago, giltzarri dena datu horiek eduki ahal izateko.