Berrikuntza akademikoa: aldaketa globalei aurrea hartzen dien unibertsitatea

Abiadura bizian doan gaur egungo munduan, egokitzeko gaitasuna izatea eta joera globalei aurrea hartzea funtsezkoak dira edozein alorretan arrakasta izateko, eta, Unibertsitateak ez dira salbuespena. Testuinguru horretan, Mondragon Unibertsitatea bere titulazioak etengabe berritzeko konpromisoagatik nabarmentzen da eta, hori horrela, aurrerapen teknologikoetara zein zientzia humanistikoen, hezkuntzaren edo ekintzailetzaren aldaketetara ongi egokitzen da.

Etengabeko berrikuntza-estrategia

Mondragon Unibertsitateak ulertu du, ikasleak etengabe eboluzionatzen ari den gizarte baterako prestatzeko, funtsezkoa dela lan-merkatuaren eta, oro har, gizartearen egungo eta etorkizuneko eskaerak jasoko dituzten ikasketa-programak eskaintzea. Hori lortzeko, unibertsitateak aldian-aldian berrikusi eta eguneratu egiten ditu bere titulazioak. Ikuspegi proaktibo horrek bermatzen du tituludunak, egungo erronkei aurre egiteko ondo prestatuta egoteaz gain, etorkizun hobe baten bidean lider izateko ere prestatuta egongo direla, gizartearen eraldaketa Mondragon Unibertsitatearen misioetako bat baita.

Enpresen feedbacka

Prestakuntza akademikoko mugarri berriak Mondragon Unibertsitatearekin hainbat proiektutan -bai ikerketan, bai DUAL prestakuntzan- batera lan egiten duten enpresek eskainitako feedbackaren laguntzaz diseinatzen dira.

Eskaintza akademikoa diseinatzerakoan, Mondragon Unibertsitateko ikerketa-taldeek jasotako joerei, erronka berriei eta beharrei buruzko informazioa ere hartzen da kontuan. Informazio horrekin, batzuetan lehendik finkatuta dauden titulazioen edukietan eta metodologian dagoen eskaintza berritzen dute edo, beste batzuetan, ezaugarri eta eduki berritzaileak dituzten titulazioak sortzen dituzte.

Titulazio berriak

Zehazki, ikasturte honetan, Mondragon Unibertsitateak zazpi unibertsitate-master berri zabaldu ditu honako arlo hauetan: irakasleen prestakuntza gastronomian; hezkuntza-berrikuntzako ikerketa; energia-sistema adimendunak; Adimen Artifiziala, logistika-eragiketak, business analytics eta ekintzailetza eta berrikuntza irekia.

Titulazio berri horien artean, bi fakultatek batera diseinatutako master bat dago, hala nola, Humanitate eta Hezkuntza Zientzien Fakultateak eta Basque Culinary Centerrek elkarlanean sortutako Irakasleen Prestakuntzako Masterra. Era berean, hainbat formatu daude, presentzialetik % 100era online, modalitate hibridotik igarota.

Laburbilduz, Unibertsitate honetan titulazioak etengabe berritzea erantzun zuzena da gizartean gertatzen diren aldaketa globalen aurrean. Bere programak uneoro eguneratuta mantentzen dituenez, erakundeak bere ikasleak egungo erronketarako prestatzeaz gain, etorkizunean berritzaileak eta liderrak izan daitezen ere prestatzen ditu.