Maider Valdezate, MGEP GMHZ ASIR ikaslea begirale haurren camp teknologikoan
2024ko urtarrilaren 3, 4 eta 5ean, 14 gaztetxok hartu zuten parte Mondragon Goi Eskola Politeknikoko 11.erainikean ospatu zen Kanpamentu Teknologikoan, Robotika eta Programazioaz ikasi eta gozatzeko.
Ekimen hau Arizmendi Ikastola eta CampTecnologico enpresaren elkarlanaz eskaintzen da 2011.urtetik Gabon eta Pazko garaiko oporrak aprobetxatuz.
Mondragon Goi Eskola Politeknikoko (MGEP) Goi Mailako Heziketa Zikloko (GMHZ) Sareko Informatika Sistemen Administrazioa (ASIR) 1.mailako ikaslea den Maider Valdezate bertan begirale bezala aritu da, eta bere esperientziaren berri bildu nahi izan dugu.
Maider Valdezate MUko Garaiako 11 erainean
– Zer motibatu zaitu Kanpamentu Teknologikoetan begirale lanetan parte hartzea? Esan beharra daukat esperientzia berri hau bizitzeko nahiak motibatu nauela. Aurretik ez dut esperientzia handirik izan haurrekin, eta horrelako zerbaitetan parte hartzeko gogoa nuen, batez ere beraiekin egoteko eta ikaskuntza prozesuan laguntzeko. Aurten 14 haurrekin egon gara, horien artean 6/8 urte bitarteko umeak zeuden. Bestalde, bi begirale egon gara: Mikel Telleria, Ingeniaritzako ikaslea, eta ni, ASIReko 1.mailako ikaslea.
– Nola ikusi dituzu gaztetxoak? Zer moduz moldatu dira? Haurrak nahiko ondo moldatu dira erakutsi dizkiegun teknologietara. Haietako askok lehenagotik ezagutzen zituzten, orduan askoz errazagoa izan da klaseen erritmoari jarraitzea. Txikienei pixka bat gehiago kostatu zaie, baina hala ere ez dute interesa galdu, eta besteek bezala egin dute lan. Nahiko pozgarria izan da ikustea nola amaitzen zituzten guk proposatutako erronkak, eta nolako ilusioa egiten zien.
Eskerrik asko Maider gurekin zure esperientzia partekatzeagatik!
+ Ez dago iruzkinik
Zurea gehitu