MGEP GMHZ ARI ikasleak Aitor Marco eta Ekaitz Gonzalez hirugarren Silver Piston sarietan

.-(e)k idatzia 0

Mondragon Goi Eskola Politeknikoa (MGEP)  Goi mailako Heziketa zikloa (GMHZ)   Automatizazio eta Robotika Industriala  (ARI)  ikasleak diren Aitor Marco eta Ekaitz Gonzalez hirugarrenak izan dira SMC enpresak (Gasteiz) eremu nazionalean antolatutako Silver Piston lehiaketan.

Goienan berria

Otsailak 7an banatu dituzte SMC enpresak antolatzen duen Silver Piston 2024 Sariak, eta sarituen artean daude Mondragon Goi Eskola Politeknikoko (MGEP) Goi maila Heziketa zikloko (GMHZ)  Automatizazio eta Robotika Industriala  (ARI)   ikasleak  Aitor Marco eta Ekaitz Gonzalez. Sariketa hori Lanbide Heziketa mailako instalakuntza, mantenu, elektrizitate, elektronika eta mekanika ikasleei zuzenduta dago, eta MGEP GMHZeko  ordezkariak hirugarren sailkatu dira. 18.000 euroko balioa duten sariak jaso dituzte.

 

 

Gasteizen banatu dituzte gaur SMC multinazionalak antolatzen dituen Silver Piston España 2024 sariak. Eta hirugarren saria Mondragon Goi Eskola Politeknikoko Aitor Marcorendako eta Ekaitz Gonzalezendako izan da. Estatu osoko   Lanbide Heziketako (LH-FP) mailako ikasketetan diharduten 20 talde aukeratu dituzte guztira. Irabazleak Iruñeako CIP Virgen del Camino-ko Ander Aginagalde eta Lucia Arlanzon izan dira, eta bigarren sailkatu dira Malagako CDP San Jose-ko Francisco Vega eta Juan Antonio Gonzalez. Hiru finalistek 18.000 eurotan baloratuta dauden sariak jaso dituzte, eta sari horiek euren ikasketa zentroetako ekipamenduak eta erraminta didaktikoak hobetzeko dira

Ikasleak lanean zeuden bitartean SMCk irakasleentzako bisita bat antolatu zuen eta bere punta puntako maketak erakutsi zitzazkigun eta produkzio planta ere ikusteko aukera izan genuen. Bai bisita bai erakusketa oso interesgarriak izan ziren, prozesua industrial bat erakusteaz aparte datuak nola jasotzen dituzten eta zenbat etekin atera daitekeen Industri 4.0n ikusi ahal izan genuen.
Goraipatzekoa SMC langileen arreta, eta hau guztia antolatzeko egin duten lana. Edozein momentuan prest laguntzeko, eta ikasleek ere asko eskertu zuten ebaluatzaileen lana
Hona hemen gure ikasleak Aitor Marco eta Ekaitz Gonzalez, Urko Sueiro irakaslearekin.

 

+ Ez dago iruzkinik

Zurea gehitu