Torlojuak estutzeetan MGEP produkzioa programatzeko ikasleen ikaskuntza

Mondragon Goi Eskola Politeknikoko (MGEP) Goi Mailako Heziketa Zikloetako

Fabrikazio Mekanikoko Produkzioaren Programazioko (PPFM) lehen kurtsoko ikasleek, Mekanizazio, konformazio eta muntaketa prozesuak definitzeko moduluan, praktika bat egin dute, non hainbat torlojuren ezaugarri teknikoak eta geometrikoak aztertu dituzten.

Lehen azterketa teorikoa egin ondoren, Eskolako tailerretan egiaztapen esperimentala egin zuten:

Torlojuak estutzea (aurreatezatzea) funtsezkoa da mekanizazio-tresnetan eusteko funtzioa bete dezaten, eta praktika honen bidez estutze zuzenaren garrantzia ulertzeak eta sentitzeak kontzeptua barneratzen lagunduko die.

I+G ekipamendua erabiliz eta arau teknikoari jarraituz, ikasleek giltza dinamometrikoaren bidez estutu dituzte kalitate ezberdineko zenbait torloju, eta gero saiatu dira lotura hausten, behar zuten indarra neurtzen zuten bitartean

Estutze-pare desegokiak torlojuen nahi ez diren hausturak ekar ditzakeela egiaztatu dute. Indarrak neurtzeaz gain, hausturaren zenbait aspektu aztertu dute: haustura-mota, torlojuen kalitatearen funtzioa, lubrifikatzailearen erabileraren eragina, eta hainbat estutze-kasutarako balio teorikoak eta neurtutakoak alderatu dituzte; horri esker, ikasleek ondorio garrantzitsuak atera dituzte torloju horiekin nola jardun eta lan egin jakiteko.

Ez dago modu hoberik IKASTEKO, teorian ikasitakoa norberak praktikan jartzea eta taldean partekatzea baino, lan egiteko modurik onena aurkitzeko.

Promozio OSO ondo prestatua. Zorionak!