MU ONLINE formazio pilulak (28): YouTubeko bideoetan oharrak ipini

Online ikastaroetan bideoak oso lagungarriak izan daitezkeelako ustean, formazio pilula honetan ere bideoen erabilera didaktikorako aholku eta trikimailuetan sakontzen jarraituko dugu. Oraingoan, YouTubeko bideoetan oharrak eta estekak nola ipin ditzakegun ikasiko dugu.

Helburu ezberdinekin erabil ditzakegu YouTubeko oharrak: ikusleei ohar laburrak bidaltzeko, gure ikasleei beste bideo, kanal edo erreprodukzio-zerrenda batzuk iradokitzeko, bideoetako pasarte zehatzak nabarmentzeko… Laburtuz, oharrak bideoa ikusten ari den pertsonaren esperientzia aberasteko baliagarriak izan daitezke.

Bideotutorial honetan, beraz, ondokoa ikasiko dugu:

• YouTube plataformara bideo bat nola igotzen den
• bideoan, oharrak nola ipintzen diren (estekadunak eta estekarik gabekoak)
• gure Moodleko ikastaroetan bideoak nola txertatzen diren

Bideoa euskaraz dago eta gaztelaniazko azpitituluak ditu. Azpititulu horiek gaitu edo desgaitzeko, klikatu botoian, irudian azaltzen den bezala.

Bideotutoriala: